Fytyra e Trumpit në malin e famshëm Rushmore

Ligjvënësja republikane nga Florida, Anna Paulina Luna ka paraqitur një projektligj që do t’i kërkonte sekretarit të Brendshëm të gdhendte figurën e presidentit, Donald Trump në Memorialin Kombëtar Mount Rushmore në Dakotën e Jugut.

Në një deklaratë për shtyp, Luna, e zgjedhur për herë të parë në vitin 2022 dhe e rizgjedhur në nëntorin e kaluar, tha se projektligji synon të nderojë 78-vjeçarin “për ndikimin transformues në Amerikë dhe rëndësinë historike të lidershipit të tij”.

“Lidershipi i guximshëm i presidentit Trump dhe përkushtimi i palëkundur ndaj madhështisë së Amerikës kanë vulosur vendin e tij në histori. Mount Rushmore, një simbol i përjetshëm i lirisë dhe forcës së kombit tonë, meriton të pasqyrojë trashëgiminë e tij madhështore – një trashëgimi e forcuar edhe më tej nga fillimi i fuqishëm i mandatit të dytë”, tha Luna.

I’ve officially introduced legislation to put President Trump’s face on Mount Rushmore.

His remarkable accomplishments for our country and the success he will continue to deliver deserve the highest recognition and honor on this iconic national monument. Let’s get carving! pic.twitter.com/vfFuebuS7F

— Rep. Anna Paulina Luna (@RepLuna) January 28, 2025

“Ai do të mbahet mend përgjithmonë mes të mëdhenjve si presidentët George Washington, Thomas Jefferson, Abraham Lincoln dhe Theodore Roosevelt”, shkroi ajo në platformën X.

Në një mesazh në Twitter në vitin 2020, Trump mohoi një raport se Shtëpia e Bardhë kishte kontaktuar guvernatoren e atëhershme të Dakotës së Jugut, Kristi Noem, për gdhendjen e fytyrës së tij në Mount Rushmore, edhe pse shtoi se “më duket një ide e mirë!”

Noem, e cila u konfirmua si sekretare e Sigurisë Kombëtare në administratën e Trumpit, i dhuroi Trumpit një bust të Mount Rushmore me fytyrën e tij të përfshirë në vitin 2020, kur ajo ishte ende guvernatore. /Telegrafi/