Frika nga rrëshqitja në borën e Davosit! Nëse Trump është parë me këpucë speciale, këshilltari i tij ka veshur “çizme”

Këshilltari i lartë ekonomik i presidentit amerikan Donald Trump, Larry Kudlow, është vënë re se kishte të veshura “çizme”, gjatë takimeve në Forumin Ekonomik Botëror.

Një gjë e tillë, sipas mediave të huaja, përcjell Telegrafi, është vërejtur gjatë një takimi që ai bashkë me presidentin Trump dhe të tjerë amerikanë kishin me presidenten e Komisionit Evropian, Ursula Gertrud von der Leyen.

Forumi është duke u mbajtur në qytetin e borës dhe skive në Davos, Zvicër, i cili mund të shpjegojë zgjedhjen më praktike të këpucëve të Kudlow.

What the f.. pic.twitter.com/XFVGVstrcS

— John M. (@JohnMolsonEX) January 21, 2020

Dhe gjithsesi, me publikimin e fotografive, kanë ardhur edhe reagimet në rrjetet sociale.

Lexo po ashtu Trump shkon i përgatitur në Davos, mbath këpucë me shtresë të veçantë kundër rrëshqitjes në borë

Njerëzit shprehën reagimet e tyre të përziera për atë që dikush e quajti ndoshta “debutimi i nivelit më të lartë të çizmeve”, duke iu përgjigjur reporteres së Shtëpisë së Bardhë të CNN, Kate Bennett në Twitter, e cila postoi një fotografi të veshjeve të Kudlow.

“Çizmet e bukura, a mos i ka harruar këpucët?”, shkruante një përdorues.

“Unë e respektoj atë”, ka shkruar një tjetër.

Ndryshe, i përgatitur me terrenin në Davos, është parë edhe presidenti Trump.

Ai është parë duke ecur nëpër borë me një palë këpucë që kishin thumba, me qëllim që të shmang rrëshqitjen gjatë ecjes apo edhe ndonjë rrëzim të papritur. /Telegrafi/