“Franca, Holanda dhe Gjermania me dritë të kuqe për Shkupin dhe Tiranën”

Gazeta franceze “Le Monde” shkruan se gjatë takimit të ministrave në Bruksel Franca, Gjermania dhe Holanda janë tre vendet të cilat kanë bllokuar fillimin e negociatave për anëtarësimin e Maqedonisë së Veriut dhe Shqipërisë.

Siç shkruan gazeta, Franca, Gjermania dhe Holanda në Luksemburg nuk u pajtuan për zgjidhjen e cila për to do të ishte simbolike nëse caktonin bisedime për anëtarësimin e të dyja vendet ballkanike.

“Kjo çështje kërkon unifikim të 28 vendeve anëtare të BE-së”, sqaron gazeta franceze, përcjell Telegrafi Maqedoni.

Sipas “Le Monde” çështja për zgjerimin e BE-së ngel lëndë e ndarjeve në mes vendeve anëtare dhe ata përsëri do bisedojnë për vendimin e mundshëm në tetor.

“Fakti që Bundestagu Gjerman nuk ka vendosur ende mbi rekomandimin e Komisionit Evropian për negociata me Shkupin dhe Tiranën është një justifikim i mirë për shtetet anëtare që ngurrojnë të mos marrin asnjë vendim”, shton gazeta franceze.

Siç thuhet, Kuvendi holandez hodhi poshtë idenë e çdo vendimi për Shqipërinë në 2019.

Kur është fjala për Francën, qëndrimi i saj është se nuk do të ketë zgjerime pa një integrim të thellë brenda bllokut të BE-së./Telegrafi/