Florenzi: Të gjithë po na frikësohen

Përpara çerekfinales së Italisë me Gjermaninë, mesfushori i Romës, Alessandro Florenzi ka vlerësuar bashkëlojtarët e tij për përpjekjet e tyre duke thënë se ekipet e tjera tani janë të frikësuara nga Italia.

Alessandro Florenzi beson të gjitha ekipet në Euro 2016 kanë frikë përballjen me Italinë për shkak të shfaqjeve të tyre mbresëlënëse në Francë.

Djemtë e Antonio Contes kanë befasuar me një fitore 2:0 ndaj Belgjikës në fazën e grupeve, para se të shokojnë edhe Spanjën me të njëjtin rezultat në 1\8-tën, teksa Florenzi mendon që po njësoj të performojnë edhe ndaj Gjermanisë.

“Mendoj se çdokush është pak i frikësuar prej Italisë tani. Ne kemi provuar të jemi një ekip i mirë, një që nuk dorëzohet kurrë”, tha Florenzi për faqen zyrtare të UEFA-s.

“Ne jemi të lumtur që skuadra të tjera na kanë frikë, sepse kjo do të thotë që ne kemi qenë duke luajtur mirë.

“Unë shpresoj se ne do të vazhdojmë ta bëjmë këtë dhe qasja në lojën tonë të ardhshme do të jetë ashtu si kemi bërë në raundin e 16 në ndeshjen kundër Spanjës”, përfundoi mesfushori italian.

Ndryshe, Italia kurrë nuk kanë humbur ndaj Gjermanisë në një turne të madh, duke mposhtur ata 2:1, së fundmi në gjysmëfinale në Euro 2012. /Telegrafi/