Fjalim i ministrit për punë të jashtme, Dimitrov në Këshillin e OSBE-së

Ministri për punë të jashtme, Nikolla Dimitrov sot mbajti fjalim para përfaqësuesve të përhershëm të vendeve pjesëmarrëse në OSBE në kuadër të seancës së Këshillit të përhershëm të saj, përcjell Telegrafi Maqedoni.

Në suaza të fjalimit të tij të hapur dhe pozitiv, Dimitrov e prezantoi optimizimin që mbisundoi në shoqërinë e Maqedonisë pas krizës së gjatë, por edhe pritjet e rritura të qytetarëve, si nga Qeveria e re ashtu edhe nga bashkësia ndërkombëtare në drejtim të realizimit të shumëpritur të synimeve për integrime euro-atlantike.

Ministri poashtu theksoi rëndësinë e ballfaqimit të sinqetë me sfidat që ekzistojnë në një shoqëri dhe në atë kontekst e sqaroi agjendën reformiste të përmbajtur në planin 3-6-9 të Qeverisë së Maqedonisë.

Dimitrov u shfaq realist në atë se shndërrimi i planeve ambicioze nuk do të jetë hap i lehtë, dukes shtuar se asnjë synim madhor dhe në themel pozitiv nuk është i lehtë për realizim, por shprehu vendosmëri të fuqishme për të shfrytëzuar mundësinë e re për vendosjen përfundimtare të Maqedonisë në familjen e shoqërive të zhvilluara demokratike.

Ministri Dimitrov në suaza të vizitës së punës në OSBE realizoi takim me Sekretarin e përgjithshëm të kësaj organizate, Thomas Greminger, por edhe me përfaqësuesin special të OSBE-së për liri të mediave, Harlem Désir, gjatë së cilës biseduan për aktivitete në të ardhmen, bashkëpunim të ndërsjellë dhe përkrahjen për aktivitetet reformiste të Qeverisë së Maqedonisë./Telegrafi/