Fjalë e para të Kristi Vangjelit si lojtari i Prishtinës: Jam këtu për trofe

Kristi Vangjeli ka lënë  Tiranën, ndërsa sot  është prezantuar te Prishtina në Superligën e Kosovës.

Në prononcimin e tij të parë si futbollist i Prishtinës, 35-vjeçari deklaroi së është i lumtur që është tek kampionët e Kosovës.

“Jam shumë i lumtur që do të jem pjesë e klubit më të madh në Kosovë. Ndihem mirë që do të vazhdoj të vesh fanellën bardhekaltër, kjo një kënaqësi më tepër. Vij në një ekip kampion dhe shpresoj që gjithë atë përvojë dhe forcën në karrierën time t’ia përcjell ekipit këtu, të ndihmoj në maksimum, qoftë për të arritur kalimin e tureve në Evropë, qoftë për të arritur prapë objektivin kryesor të klubit, titullin e kampionit”.

Në Prishtinë, Vangjeli do të gjejë shumë futbollistë që kanë spikatur në kampionatin shqiptar.

“Të them të drejtën, kuptohet, për ardhjen time kanë ndikuar edhe shokët që kam pasur në skuadër si Lilaj, Mici, Abazi e Muça apo këmbëngulja e klubit që të më ketë në radhët e tij, duke shprehur besim tek unë, plus është ekip që lufton gjithmonë për titullin e kampionit.

“Sa i përket moshës sime, do ta tregojë fusha. Besoj se jam si vera, sa më e vjetër as më e mirë”, deklaroi ai. /Telegrafi/