Fitore e jashtëzakonshme e partisë opozitare në zgjedhje në Sllovaki

Partia opozitare e qendrës së djathtë e njohur si “Njerëz të Zakonshëm”, e ka shpallur fitoren në zgjedhjet parlamentare në Sllovaki.

Kjo parti arriti 25 për qind të votave, 53 vende në parlamentin me 150 vende në një lëvizje që e drejton shtetin në të djathtë, bëhet e ditur në rezultatet e lëshuara nga Zyra e Statistikave, transmeton Telegrafi.

Sllovakia është e dominuar nga populistët socialdemokratë të së majtës SMER-SD, të udhëhequr nga ish-kryeministri Robert Fico, që nga viti 2006. Në zgjedhjet e vitit 2016, partia e majtë fitoi 28.3% të votave pasi bëri fushatë në kartën kundër refugjatëve.

Këtë herë, partia SMER-SD ishte në vendin e dytë me 18.3 për qind, duke fituar rreth 38 vende, ndërsa kryeministri aktual Peter Pellegrini e ka pranuar humbjen.

Që nga vrasja e gazetarit Jan Kuciak, para dy vitesh – i cili kishte hetuar keqpërdorimin e fondeve të BE-së në Sllovaki, mashtrimet e taksave dhe lidhjet e pretenduara midis zyrtarëve qeveritarë dhe mafies italiane – popullariteti i partisë ra.

Analistët politikë janë gëzuar fitores së jashtëzakonshme të partisë opozitare, ndërsa presin që të zgjedhurit e rinj të realizojnë ndryshimet e nevojshme. /Telegrafi/