“Financial Times”: Sfidë e madhe e zgjedhjeve të prillit do të jenë euroskeptikët

Brukseli po përgatit plan për ndryshimin e procedurave për bisedimet për anëtarësim në BE, e cila pritet të bëhet fushë e re e mundshme beteje midis anëtarëve të BE-së rreth asaj se a duhet të jepet dritë të gjelbër për fillimin e procesit të pranimit për Shkupin dhe Tiranën, vlerëson gazeta londineze “Financial Times”.

Gazeta, e cila ka pasur qasje në plan, thekson se kjo do të mundëson qëndrime më të qarta rreth asaj se çka presin anëtaret e BE-së nga vendet kandidate, si dhe në lidhje me pasojat me të cilat do të ballafaqoheshin aspiratat e shteteve në rast të përmbushjes ose mospërmbushjes së kërkesave të paraqitura.

“Financial Times” vlerëson se Qeveria në vendi po përballet me “sfida të mëdha të zgjedhjeve në prill do të jenë euroskeptikët të cilët pretendojnë se BE ka tradhtuar vendin edhe pse i ka përmbushur të gjitha kërkesat e përcaktuara, përfshirë ndryshimin e emrit të saj, duke i dhënë fund mosmarrëveshjes të gjatë me Greqinë”.

Gazeta citon gjithashtu Ministrin e Jashtëm Nikolla Dimitrov, i cili thotë se marrja e një vendimi për të filluar negociatat para zgjedhjeve të prillit “në thelb do t’i përgjigjet pyetjes se çfarë dëshiron Evropa në Ballkan”./Telegrafi/