Sonte në natën finale të Big Brother VIP Kosova iu bënë befasi të mëdha finalistëve të këtij edicioni.
Pas Artanit, Mbresës, Xhulit e Stresit, surprizat nuk munguan as për aktorin Vedat Bajrami.
Artisti i njohur fillimisht u befasua me një video nga disa prej miqtë e tij, e pak pas kësaj në shtëpinë e famshme hynë dy vajzat e tij.
Sikurse të gjithë të tjerët, Bajrami u largua për pak çaste nga shtëpia me makinë luksoze deri në skenën e Klan Arenës.
Kur hyri brenda në skenë po e priste këngëtari i mirënjohur shqiptar, Sinan Vllasaliu.
Ai filloi të interpretonte këngën e preferuar të aktorit, gjersa Vedati nisi të kërcente e ta shijonte muzikën.
Vedati gjithashtu fitoi një udhëtim falas për në Dubai bashkë me familjen. /Telegrafi/