Ka filluar takimi ndërmjet kryeministrit të Shqipërisë, Edi Rama dhe kryeministrit të Kosovës, Avdullah Hoti.
Rama para Hotit ka zhvilluar një takim edhe me kryeparlamentaren, Vjosa Osmani dhe kreun e Nismës Socialdemokrate, Fatmir Limaj, ndërkaq gjatë ditës pritet të takojë edhe liderët tjerë politikë, transmeton Telegrafi.
Kryeministri Rama më herët ka njoftuar se arsyeja e vizitës së tij në Kosovë ka të bëjë pikërisht më ngritjen e aktakuzave nga Specialja ndaj presidentit, Hashim Thaçi dhe kryetarit të Partisë Demokratike të Kosovës, Kadri Veseli.
Kryeministri Avdullah Hoti pret në takim kryeministrin e Shqipërisë, Edi Rama (Foto: Ridvan Slivova)
“Në Prishtinë për të dëgjuar dhe mësuar më shumë pas fletë-rrufesë speciale që do të hyjë si njollë turpi e shekullit XXI në historinë botërore të drejtësisë, e cila praktikën e akuzës publike pa aktakuzë juridike e ka njohur veç në epokat e sundimeve ideologjike a para tyre”, kishte shkruar Rama në Twitter.
Kryeministri Avdullah Hoti pret në takim kryeministrin e Shqipërisë, Edi Rama (Foto: Ridvan Slivova)
Kryeministri Rama do të qëndrojë në Kosovë për dy ditë./Telegrafi/
