Fillon punimet Forumi Ekonomik Botëror

Në qytetin alpin të Zvicrës me rreth 11 mijë banorë, udhëheqësit politik, ekonomik dhe social të botës kanë filluar punimet e Forumit Ekonomik Botëror.

Themeluesi i këtij forumi, Klaus Schwab dhe presidentja e Komisionit Evropian, Ursula von der Leyjen do të flasin në ceremoninë e hapjes, po ashtu edhe presidenti i amerikan Donald Trump.

Gjatë këtij forumi katër ditor do të mbahen 400 seanca të hapura dhe të mbyllura, përfshirë kancelaren gjermane Angela Merkel, kryeministrat italianë dhe spanjoll Giuseppe Conte dhe Pedro Sanchez, ministri i Jashtëm turk Mevlut Cavusoglu, sekretari i përgjithshëm i OKB, Antonio Guterres, presidentja e FMN-së, Kristina Georgieva dhe presidentja e Bankës së Evropës Qendrore, Kristine Legard.

Media vlerëson se Forumi Ekonomik Botëror shpesh është qortuar për shkak se ka pak rezultate konkrete në fund, kështu që organizatorët planifikojnë të tregojnë rezultate të prekshme në Jubileun e 50-të.

Raporti Botëror i Riskut i Forumit Ekonomik Botëror, botuar në prag të këtij samiti, thotë se perceptimi i rrezikut botëror nga fusha ekonomike po zhvendoset në motin ekstrem, katastrofat mjedisore, humbjen e biodiversitetit, katastrofat natyrore dhe dështimin për të zbutur ndryshimi i klimës.

Organizatorët do t’u kërkojnë kompanive më të mëdha në botë që të angazhohen në zero karboni deri në vitin 2050 ose më herët.

Forumi Ekonomik Botëror prej kohësh ka qenë një debat mbi rëndësinë aktuale të konferencës. Disa kritikë pretendojnë se është vetëm një ngjarje e mrekullueshme rrjetëzimi, jo një forum se si ta bëjnë botën një vend më të mirë. Megjithatë, ka pasur disa momente të rëndësishme në këtë Forum. /Telegrafi/