I pastrehu që qyteti i San Franciscos e paguan të jetojë në rrugë: Nuk i shpenzoj paratë në qira – në telefon kam Netflix dhe Amazon

Gazetari dhe shkrimtari amerikan Michael Shellenberger, ka realizuar një hulumtim në mesin e të pastrehëve në San Francisco, ku ka më shumë se në çdo qytet tjetër amerikan.

Derisa bredhte rrugëve, hasi në burrin që thotë se e quajnë James. E pyeti nëse mund ta filmojë dhe ai menjëherë e miratoi kërkesën e tij – e ajo çfarë tha shokoi opinionin amerikan, transmeton Telegrafi.

“Jam një narkoman i vjetër. Nuk dua ta fsheh. Por tani kjo është zgjedhja ime. Është shumë e thjeshtë. Më paguajnë 620 dollarë në muaj që të jetoj në rrugë, plus rreth 200 tjera për ushqim dhe rroba”, tha ai.

Në anën tjetër pasoi pyetja nga ana e gazetarit, i cili me një dozë habie e pyeti: “Te jemi real, qyteti ju paguan të jeni i pastrehë”.

“Natyrisht dhe nuk doja ta humbja këtë mundësi – mjaftoi një telefonatë”, i përgjigj James duke qëndruar plotësisht i qetë.

People say lack of housing forces local residents into the streets, but James says he came from Texas to San Francisco for the drugs, the non-enforcement of anti-camping laws, and the $820/month in welfare & food stamps. James says he sold fentanyl, 2 weeks ago, to a 15-year-old. pic.twitter.com/5qMr6tmlWs

— Michael Shellenberger (@shellenberger) February 9, 2022

“Nuk dua të paguaj qiranë dhe budallallëqet tjera. Këtu i kam të gjitha që kam nevojë. Madje edhe telefon që ka Netflix dhe Amazon, ku mund të kënaqem duke shikuar seriale”, shtoi i pastrehu.

E pavarësisht përparësive që i numëroi, James thotë se jeta në rrugë në metropolet amerikane është shumë e rrezikshme.

Sipas vlerësimeve më të fundit të gazetarit amerikan, në periferinë e San Franciscos jetojnë rreth 30 mijë të pastrehë, ku shumë prej tyre janë të varur nga lëndët e ndryshme narkotike. /Telegrafi/