Taylor Swift po planifikon një festë të beqarisë me miqtë e saj më të ngushtë para dasmës me Travis Kelce në qershor në Rhode Island.
Ndër të ftuarit janë Selena Gomez, Gigi Hadid, Zoe Kravitz, Brittany Mahomes, motrat Haim dhe shoqja e fëmijërisë, Abigail Anderson.
Burimet thonë se mund të ketë disa evente të ndara në New York, Nashville dhe Bahamas, për t’u siguruar që të gjitha shoqet e saj të jenë pjesë e festës, shkruan DailyMail.
Festat do të jenë private dhe të fokusuar vetëm te Taylor dhe shoqet e saj më të ngushta.
Çifti njoftoi fejesën në gusht 2025, dhe dasma e tyre do të zhvillohet më 13 qershor në rezidencën e Swift në Rhode Island, me rreth 150 të ftuar.
Pavarësisht numrit të kufizuar, lista e të ftuarve përfshin shumë yje të njohur të showbiz-it dhe sportit, ndër të cilët Emma Stone, Patrick Mahomes dhe Miles Teller.
Swift dhe Kelce kanë përqendruar planet te privatësia dhe komoditeti i mysafirëve, duke ndarë disa tubime të vogla në vende të ndryshme për të ruajtur atmosferën intime.
Dasma do të jetë tradicionale, me babanë e Taylor që do ta shoqërojë drejt altarit dhe me momentet klasike të festës, si vallja baba-bijë. /Telegrafi/
