Fenomeni Ronaldo ka folur për sezonin e ri në Serie A.
Braziliani thotë se ardhja e Cristiano Ronaldos është një gjë e mirë për kampionatin italian, ndërsa shpreson që Interi të arrijë rezultate të mira.
"Ardhja e CR7 është një gjë e rëndësishme, sepse futbolli italian në periudhën e fundit ka kaluar në një moment jo të mirë dhe ky transferim mund t'i ndihmojë".
"Ka nevojë për rimëkëmbje dhe shpresoj të rikthehet spektakli".
"Sa për Interin, tregu është i çuditshëm dhe kështu të shohim se çfarë do të ndodh. Shpresoj që këtë vit zikaltrit të arrijnë rezultate më të mira pasi unë vazhdoj të jem tifoz i madh i tyre".
"Modric? Nuk e di nëse vërtetë ka përpjekje, por tregu i transferimeve do të mbyllet së shpejti dhe do të shohim se çfarë do të ndodh".
"Të gjitha skuadrat e mëdha janë duke u forcuar, Interi nuk është shumë prapa", ka thënë Ronaldo për mikrofonat e Sky Sport. /Telegrafi/
