Fakulteti Ekonomik i UP-së mban konferencë për synimet e zhvillimit të qëndrueshëm dhe zhvillimin ekonomik

Me datat 12 dhe 13 mars në Fakultetit Ekonomik do të mbahet konferenca “Sustainable development goals and economic development: Perspective of the Western Balkan Countries”.

Në këtë konferencë që mbahet për synimet e zhvillimit të qëndrueshëm dhe zhvillimin ekonomik, do të jenë pjesëmarrës një numër i madh i përfaqësuesve ndërkombëtarë, përfaqësuesve nga qeveria, përfaqësues nga fakultetit, përfaqësues nga shoqëria civile, etj.

Në sesionet plenare do të jenë pjesëmarrës përfaqësues nga qeveria zv. Kryeministri Avdullah Hoti dhe Ministrja e Ekonomisë, Punës, Tregtisë, Industrisë, Ndërmarrësisë dhe Investimeve Strategjike, Rozeta Hajdari dhe përfaqësues tjerë të institucioneve të ndryshme. Gjithashtu do të ketë folës të huaj nga USAID dhe UNDP.

Vlen të ceket se sesionet plenare që do të diskutohen do të përfshijnë tema të ndryshme si: Objektivat e zhvillimit të qëndrueshëm; A ka rëndësi nëse njihet një shtet apo jo? Rëndësia e sistemit të edukimit si faktor kryesor zhvillimor; diskutime për rëndësinë e trajnimeve  dhe punësimit, çështjet politike, ekonomike, sociale, teknologjike etj.

Për ta parë agjendën e plotë të kësaj konference, klikoni KËTU.