Facebook ka pranuar marrjen e fjalëkalimeve të e-mail kontakteve të 1.5 milionë përdoruesve të tyre

Facebook ka konfirmuar se kontaktet e e-mail të mbledhura nga rreth 1.5 milion përdorues që nga maji 2016 janë ngarkuar në faqe pa dashje. Këto lista kontaktesh i përkasin individëve që po krijonin një llogari të në rrjetin social.

Pranimi i kompanisë vjen pasi një kërkues i sigurisë thirri vëmendjen e publikut për marrjen e fjalëkalimeve të email-eve të përdoruesve, si pjesë e një hapi verifikimi gjatë regjistrimit.

Pas futjes së fjalëkalimit, Facebook vazhdoi të importojë listat e kontakteve të përdoruesve pa pëlqimin e tyre. Natyrisht, kjo praktikë shkon kundër standardeve të sigurisë personale të të dhënave.

Kontaktet e mbledhura të e-mail-eve shërbejnë një rol kyç në aktivitetet e targetimit të reklamave të gjigantit të mediave sociale dhe përpjekje të tjera për të sugjeruar miq për përdoruesit, për t’u shtuar në rrjet.

Facebook shpejtë sqaroi se nuk kishte qasje në përmbajtjen e postës elektronike.

Megjithatë, keqpërdorimi i të dhënave të këtij lloji ende tregon një mbikëqyrje në lidhje me praktikat e sigurisë së kompanisë.

Facebook tha se ka hequr listat e ngarkuara të kontakteve. Tani nuk është e qartë se sa email janë ngarkuar saktësisht në sistemin e Facebook.

Mashtrimi i ri me privatësinë është i fundit në një varg skandalesh që goditën gjigantin e internetit gjatë disa javëve të fundit, duke përfshirë ruajtjen jo të duhur të fjalëkalimeve të përdoruesve në tekst të thjeshtë dhe një rrjedhje masive të të dhënave të përdoruesve nga aplikacionet e palëve të treta. /Telegrafi/