Trajneri i Manchester United, Ruben Amorim, ka tronditur ambientin e klubit me një deklaratë të fortë drejtuar sulmuesit të ri Alejandro Garnacho.
Sipas Fabrizio Romanos, gjatë një seance stërvitore në qendrën e trajnimit të klubit në Carrington, Amorim i ka dhënë një mesazh të qartë 20-vjeçarit në prani të të gjithë skuadrës.
“Ti më mirë të lutesh që të gjesh një klub që të nënshkruajë me ty”, citohet të ketë thënë Amorim, duke i bërë të qartë Garnachos se aventuara e tij te Manchester United ka përfunduar.
Ky mesazh vjen pas një periudhe tensionesh mes trajnerit dhe lojtarit, ku Garnacho ka qenë në qendër të kritikave për performancën e tij dhe sjelljen jashtë fushës.
Vëllai i Garnachos, Roberto, reagoi menjëherë në Instagram, duke thënë se i vëllai “ishte lënë jashtë në mënyrë të padrejtë” nga Amorim.
Ai përmendi një incident gjatë një ndeshjeje kundër Athletic Bilbaos në gjysmëfinale, ku Garnacho humbi një mundësi dhe më pas u zëvendësua nga Mason Mount në ndeshjen kundër Tottenham.
Garnacho, i cili iu bashkua akademisë së Manchester United nga Atletico Madrid në tetor 2020, ka luajtur 144 ndeshje për klubin, duke shënuar 26 gola dhe duke dhënë 22 asistime.
Megjithatë, marrëdhënia e tij me Amorim duket se ka arritur një pikë kritike, me trajnerin që ka vendosur t’i japë fund bashkëpunimit me talentin argjentinas. /Telegrafi/
