Fabregas: Jam i hapur për rinovim, Chelsea nuk do të jetë klubi im i fundit

Cesc Fabregas ka thënë se do të ishte i hapur të rinovonte kontratën me Chelsean, por e pranuan gjithashtu se Blutë nuk do të jenë klubi i tij i fundit.

31-vjeçari do të jetë jashtë kontratës me Chelsean në verën e ardhshme dhe Fabregas ka zbuluar se asnjë ofertë për marrëveshje të re nuk i është dorëzuar atij nga klubi.

Fabregas pranon se koha e tij në Stamford Bridge është duke përfunduar, edhe pse ai do të dëshironte të vazhdonte progresin e tij në Chelsea.

Lexo po ashtu Milani e do Fabregasin në janar

Kur u pyet nëse ai do të jetë i hapur për të nënshkruar një marrëveshje të re në Chelsea, Fabregas u përgjigj pozitivisht.

“Po unë jam shumë i hapur për këtë”, ka thënë fillimisht Fabregas për mediat angleze.

“Për të qenë i sinqertë klubi nuk ka thënë asgjë, në fund të ditës kam të mbetura edhe tetë muaj, por do të doja të qëndroja në klub”.

Lexo po ashtu Fabregas drejt transferimit në Serie A, Napoli favorit për të nënshkruar me spanjollin

“Kam qenë shumë i lumtur për katër vjet e gjysmë këtu, kemi pasur sukses të madh, kemi fituar shumë gjëra. Mendoj se kam një mirëkuptim të mirë me tifozët dhe lojtarët”.

“Nuk e besoj se do ta përfundoj karrierën te Chelsea. Pëlqej një aventurë të re larg Evropës”, përfundoi spanjolli. /Telegrafi/