Ewan McGregor është braktisur nga femra, për të cilën ai i dha fund martesës 22 vjeçare.
Revista Star bën të ditur se aktori është ndarë nga bashkaktorja në serialin “Fargo”, meqë asaj nuk i pëlqente fakti që e quanin prishëse familjesh dhe e fajësonin për përfundimin e martesës së 46-vjeçarit.
“Mary e urrente turpin e etiketimit si një prishëse familjesh. Ewan vendosi ta linte gruan për të, ndërsa tash duket se i ka humbur të dyja”, ka thënë një burim.
Ky lajm vjen vetëm një muaj pasi McGregor aplikoi për shkurorëzim nga Eve Mavrakis, me të cilën ka qenë i martuar për 22 vite. Nga kjo lidhje, ata kanë tre fëmijë bashkë
Aktori dhe Mary Elizabeth ishin kapur duke u puthur në Londër në tetor të vitit të kaluar dhe nga atëherë filloi të përfolej shumë për lidhjen mes tyre.
Ndërsa McGregor tërhoqi shumë vëmendje në ceremoninë e ndarjes së çmimeve Golden Globes, ku në fjalimin e tij e falënderoi edhe gruan edhe dashnoren.
Në evenimentin që u zhvillua në muajin janar, aktori skocez fitoi Globin e Artë për rolin e tij në serialin “Fargo”. /Telegrafi/
