Evra zbulon dy arsyet pse Ronaldo u largua nga Juventusi

Patrice Evra ka zbuluar dy arsyet pas largimit të Cristiano Ronaldos nga Juventusi për tek Manchester Unitedi.

Evra, një ish-mbrojtës i Manchester Unitedit dhe Juventusit, foli për gazetën La Repubblica për karrierën e tij si lojtar dhe kohën e tij në Torino.

Francezi iu bashkua Bianconerëve si lojtar i lirë në vitin 2014 dhe u largua nga klubi në janar të 2016.

Lexo po ashtu "Unë do të luaj për klubin tonë": Evra zbulon se si Ronaldo i tregoi se po kthehet në Man Utd para se të konfirmohej transferimi

Megjithatë, vëmendja e intervistës së francezit ishte tek pjesa ku flet për largimin e Ronaldos nga Allianz Stadium.

Evra është një mik i ngushtë i Ronaldos, i cili u largua nga Juventusi në verë pretendon se i di arsyet që quan në largimin e sulmuesit portugez.

“Sepse ai ka nevojë për dashuri dhe respekt”, ka thënë fillimisht Evra për La Repubblica.

“Ai e kishte kuptuar se në Torino, ai po bëhej ‘kurban’ për rezultatet e këqija të Juventusit”.

Lexo po ashtu Formacioni më i mirë i Unitedit me futbollistë të huaj që do ta dominonin cilëndo epokë

“Megjithatë, shumë harrojnë se nuk është e lehtë të fitosh në Serie A. Objektivi i Agnellit është të fitojë Scudetton çdo vit, jo Ligën e Kampionëve”.

“Fjalët e Allegrit gjithashtu patën një rol në largimin e Ronaldos”, përfundoi francezi. /Telegrafi/