EMV, si ofertuesi i vetëm në tenderin e furnizuesit universal "EVN Home", ofroi një çmim prej 65 eurosh për megavat orë, 3 euro më i shtrenjtë se ai i vlefshëm në gjysmën e dytë të këtij viti. EMV planifikon të mbulojë plotësisht sasitë e nevojshme të energjisë elektrike për vitin e tretë.
"Për periudhën janar-dhjetor 2026, EVN Home mori vetëm një ofertë, nga ASH EMV me një çmim blerjeje të energjisë elektrike prej 65 eurosh për megavat orë, për të mbuluar 100% të sasive totale të planifikuara. Ky çmim është 4.84% më i lartë se ai i mëparshmi, i cili u mor në tenderin e fundit të furnizuesit universal (qershor-dhjetor 2025), kur ASH EMV ofroi një çmim blerjeje prej 62 eurosh për megavat orë", njoftojnë nga "EVN Home".
Tenderi i ri është shpallur për të gjithë vitin. Tani në radhë është Komisioni Rregullator i Energjisë të bëjë llogaritjet.
Qeveria njofton se energjia elektrike për amvisëri do të mbetet e subvencionuar në vitin 2026, por në të njëjtën kohë hap hapësirë për një rritje të lehtë të çmimit nga janari, pas tenderit të ri për blerjen e energjisë elektrike për tregun e rregulluar./Telegrafi/
