ESPN emëron dhjetë trajnerët më të mirë në botë për vitin 2020

Trajneri i Liverpoolit, Jurgen Klopp është emëruar menaxheri më i mirë në futbollin botëror përpara Pep Guardiolas të Manchester City dhe Hans-Dieter Flick të Bayern Munich.

53-vjeçari gjerman u largua nga Borussia Dortmund në vitin 2015 për të nënshkruar për Liverpoolin dhe ka qenë thelbësor në suksesin e Reds viteve të fundit.

Klopp fitoi trofeun e Ligës së Kampionëve më 2019 para se të përfundonte pritjen e gjatë të Liverpoolit për titullin e Ligës Premier në vitin 2020.

Lexo po ashtu Trajnerët e nominuar nga FIFA për çmimin 'The Best'

Dhe tani rrjeti televiziv ESPN renditi trajnerin e Reds në krye të listës së tyre, duke mposhtur në garë emra të mëdhenj trajnerësh.

“Trashëgimia e Klopp në Liverpool është mjaft e madhe, por një palë syzet e tij janë varrosur në një kapsulë kohe në terrenin e ri të klubit për ta ankoruar më tej në Merseyside”, thuhet në publikimin e ESPN.

Flick përfundoi pas Klopp në renditje, pavarësisht një sezoni të shkëlqyeshëm me fituesin e sivjetmë të Ligës së Kampionëve, Bayern Munich.

55-vjeçari, i cili pasoi Niko Kovacin, fitoi titullin e Bundesligës dhe Kupën e Gjermanisë me Bayern Munich sezonin e kaluar gjatë sezonit ku fituan tripletën.

Dhe skuadra e Flick, Bayern Munich, mposhti Barcelonën 8-2 në çerekfinalet e Ligës së Kampionëve, në rrugën drejt triumfit në garën elitare të Evropës.

Guardiola dhe menaxheri i Atalanta Gian Piero Gasperini përfunduan përkatësisht i treti dhe i katërti, ndërsa trajneri i RB Leipzig, Julian Nagelsmann doli i pesti në renditje.

Më poshtë janë 10 menaxherët më të mirë në futbollin botëror në vitin 2020, sipas ESPN.

10.Carlo Ancelotti (Everton)

9.Zinedine Zidane (Real Madrid)

8.Julen Lopetegui (Sevilla)

7.Diego Simeone (Atletico Madrid)

6.Marcelo Bielsa (Leeds United)

5.Julian Nagelsmann (RB Leipzig)

4.Gian Piero Gasperini (Atalanta)

3.Pep Guardiola (Manchester City)

2.Hans-Dieter Flick (Bayern Munich)

1.Jurgen Klopp (Liverpool)

/Telegrafi/