A është në rregull të merret paracetamol çdo ditë?

Paracetamoli është një qetësues vërtet i dobishëm që trajton dhimbjet dhe temperaturat e larta, por ju mund ta teproni me marrjen e ilaçit.

Paracetamoli përbën 48 për qind të rasteve të helmimit në spital në Mbretërinë e Bashkuar. Pra, a është e sigurt të merret paracetamol çdo ditë? Dhe a ka ndonjë efekt anësor nga marrja e qetësuesve?

Në shumicën e rasteve, paracetamoli është krejtësisht i sigurt për t’u marrë rregullisht.

Ai shumë rrallë shkakton efekte anësore nëse e merrni në dozën e duhur, që është një ose dy tableta 500 miligramshe deri në katër herë në 24 orë për të rriturit.

Lexo po ashtu Shenja në lëkurën tuaj që tregon një reaksion alergjik ndaj paracetamolit

Nëse keni ndonjë formë dhimbjeje kronike, paracetamoli mund të jetë qetësuesi juaj i shenjtë dhe mund ta merrni çdo ditë. Por a është kjo e sigurt?

A është në rregull të marrësh paracetamol çdo ditë?

Sipas faqes së NHS-së, është e sigurt të merrni paracetamol rregullisht për shumë vite për sa kohë që nuk merrni më shumë se doza e rekomanduar.

Lexo po ashtu Paracetamoli: Gjashtë shenja të një mbidoze

Megjithatë, disa ekspertë pohuan se njerëzit që e marrin ilaçin rregullisht po rrisin rrezikun e sulmit në zemër, gjakderdhjes në stomak, dështimit të veshkave, dështimit të mëlçisë dhe vdekjes.

NHS thekson se, pavarësisht thashethemeve, nuk ka asnjë provë të fortë që sugjeron se marrja e paracetamolit do të zvogëlojë fertilitetin si te burrat ashtu edhe te gratë, ose do të ndikojë në çdo lloj kontracepsioni, duke përfshirë pilulën kontraceptive ose kontracepsionin urgjent.

Mbi dozimi i paracetamolit mund të shkaktojë efekte anësore serioze, prandaj është e rëndësishme t’i kushtoni vëmendje dozës në paketim dhe të shmangni marrjen e më shumë se doza e rekomanduar. Shenjat e para të mbi dozimit të paracetamolit përfshijnë humbjen e oreksit, të përziera, të vjella, dhimbje stomaku, djersitje dhe konfuzion ose dobësi. /Telegrafi/