Erdogan: Nuk mund ta injorojmë kërkesën për dënim me vdekje

Presidenti i Turqisë, Recep Tayyip Erdogan, i është përgjigjur qytetarëve në Turqi që po kërkojnë vendimin me vdekje për ushtarët që donin grusht shtet të premten.

Siç raporton Reuters, Erdogan - pas varrimit të disa prej të vdekurve, si pasojë e luftimeve ndaj Ushtrisë - i ka thënë turmës se “kërkesa e popullit nuk mund të injorohet”.

Erdogan ka thënë se kjo kërkesë nuk mund të shtyhet shumë dhe se Qeveria do të nisë menjëherë diskutimin me opozitën.

Një njoftim i tillë ishte dhënë dje edhe nga kryeministri turk, Binali Yildirim.

Ai po ashtu ka kërkuar nga qytetarët që të qëndrojnë më shumë në rrugët e shtetit deri të premten.

Pas tentimit për grusht shtet janë arrestuar gjashtëmijë persona.