Enterieri i ndryshuar në Mercedes GLE, shfaqen nga afër prej disa imazheve të rrjedhura (Foto)

Ndryshime të dukshme dhe pozitive, për dallim prej modelit të mëparshëm

Deri më tani, kemi pasur dijeninë se çfarë do të përmbajë përafërsisht modeli GLE, transmeton Telegrafi.

Ishte vet Mercedes, që shfaqi disa skica, duke dhënë ide se kjo makinë do të ketë hapësirë të bollshme, ndërsa nuk do të mungojnë përparësitë teknologjike.

Sistemi i informimit MBUX, do të përdoret përmes një ekrani gjigant të ndjeshëm në prejke, që është afër shoferit.

Kjo do t’i japë mundësi të merr informacione prej navigatorit dhe gjendjen momentale nëpër harta, si dhe njoftime të ndryshme për ambientin ku ndodhet.

Në të njëjtën kohë, ky sistem mundëson që të manovrojë klimën, audio sistemin, kamerat dhe pasqyrat e makinës.

Pjesa e përparme është e ngjashme me atë që është aplikuar te S-Class dhe E-Class, vetëm se te GLE ka ventilatorë me forma rrethore.

Të gjitha ndryshimet origjinale te ky Mercedes me 2.0-litra dhe versionin 3.0-litra, do t’i shohim gjatë tetorit në Paris Auto Show. /Telegrafi/