Nga: Pico Iyer / The Guardian
Përkthimi (me shkurtime): Telegrafi.com
Në Japoni, ku kam shtëpinë time për 33 vjet, shpesh shoh njerëz që përkulen para një telefoni, teksa flasin në receptor. Ceremonitë mbahen në tempull, për çdo vit, për gjilpërat për qëndisje që ia kanë dhënë vetes për ta bërë një kimono. Gruaja ime japoneze, teksa rritej në Kioto, u mësua t’i kërkonte falje një tavoline nëse si gjashtëvjeçare e godiste. Me pak fjalë, asgjë nuk është e padenjë për nderimin e përulur që ne e quajmë vëmendje. Objektet kanë jetë dhe ndarjet që bëjmë mes të gjallëve dhe të pajetëve janë krijesa njeriu; kjo është një arsye se pse Hënës në Japoni i jepet e njëjta prapashtesë nderimi, sikurse perandorit.
Pjesa më e madhe e kësaj fryme më kthehet sa herë që kaloj kohën me veprat e Tom Sandbergut. Norvegjezi i cili ishte pionier i fotografisë në Skandinavi, me sa duket ishte gjithmonë duke trajnuar lentet e veta mbi objektet që ne i anashkalojmë: jo njerëzit që shijonin drekën, por qesen e letrës pranë tyre, aq e gjallë sa pothuajse mund ta dëgjojmë të rrudhosur. Jo një aeroplan që pret qiejt, por zbrazëtia që e rrethon. Ka automjete – makina, aeroplanë dhe autobusë – në pjesën më të madhe të punës së tij, dhe megjithatë imazhet kanë të bëjnë me lëvizjet e një lloji më delikat: të mjegullta dhe të sakta si tymi që ngrihet nga një shkop temjani, ato fokusohen jo te makinat jashtë, por te mënyra se si një erë nxit një perde filmike dhe, ndoshta duke e bërë këtë, kjo na trazon.
Kjo përzierje e specifikës dhe mungesës thellohet nga fakti se, megjithëse iu dha nderi me një ekspozitë personale në MoMA PS1 të Nju-Jorkut në vitin 2007, Sandbergu pëlqente ta quante vetveten të vogël, një “gangster të vogël nga Norvegjia”. Në intervistat me video, shoh një figurë të thinjur, vigjilente, të përmbajtur dhe të qetë në dëborë, ndërsa pret të gjejë imazhe me Pentax-in e tij paradixhital.
Organizoi ngjarje në skenën muzikore të Oslos dhe, në rininë e vet, zgjodhi të përmbajë veten nga dhurimet e ushqimit nga miqtë që i punonin në restorante. Në fillim të viteve 1970, fitoi para si ndihmës-gjuetar qensh dhe duke ngarkuar trupat e ngrirë të derrit nëpër kamionë. Në të njëjtën kohë – fotografia nuk u konsiderua si art në Norvegji – filloi të studionte zanatin në Trent Polytechnic të Anglisë, ku takoi një mjeshtër të vjetër, Minor White, i cili prodhonte evokimet analoge të dritës, në bardhezi dhe në masë të gjerë.
Ashtu si mentori, Sandbergu u rrit në artin e sugjerimit. Veprat e tij janë kryesisht pa tituj. Ulen të qetë në mes të gjithçkaje që nuk zbulojnë. Kështu, shumë shpesh na çojnë përtej syrit, diku më thellë brenda. Nuk di çfarë të bëj me reflektimet e të gjitha atyre fytyrave në një autobus, dhe kur shikoj retë e tij që rrotullohen kundër errësirës, më futet tymi në sy. Ashtu si me vizatimet klasike me stilolaps dhe me ngjyrë, këto imazhe na ftojnë ta plotësojmë figurën – ose ndoshta thjesht na kërkojnë të jetojmë pa ankesa për atë që nuk mund të shpresojmë ta kuptojmë. Kudo në botën që ne e marrim si të mirëqenë, mund të theksojë Sandberg, ka enigma po aq të hapura sa ajo qese letre. “Fotografoj pothuajse çdo gjë”, i tha ai BBC-së në vitin 2006. Madje, e merrte me vete kamerën kur shkonte për pazar.
Fotografia, tha ai gjithashtu, është ” dialog kompleks midis nuancave të grisë”. Punoi gjatë dhe shumë, për më shumë se 40 vjet, për të gjetur një mijë nuanca “gri dhe mat”, duke punuar me të njëjtin lloj filmi dhe zhvillues gjatë gjithë kohës. Në këtë proces, ai shpesh na dha një univers në të cilin duket se nuk ka fare ngjyrë. /Telegrafi/
Promo
Reklamo këtuLufta Prigozhin - Putin
Më shumë“Liria e së nesërmes”: A e njeh ky njeri rrugën e paqes mes Izraelit dhe Palestinës?
Fadil Hoxha e Veli Deva, Enver Hoxhës më 1968: Kujdes me Titon, se po na e vështirësoni punën në Kosovë
Aktori Abdurrahman Shala - eprori i dikurshëm i një burgu në Prishtinë, që ndali vrasjet e shqiptarëve!
Dhjetë vjet vetmi: Bota letrare, një dekadë pa Marquezin
Karnavalet, origjina dhe domethënia
Harta e shteteve të Evropës, gjatë 2400 vjetëve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën