“Enciklopedia shqiptare” shkakton debate, përplasjeve mes akademikëve për figura apo ngjarje historike

Akademitë e Shqipërisë dhe Kosovës në sfida për hartimin e Enciklopedisë Shqiptare.

Enciklopedia Shqiptare, është ky një tjetër projekt i rëndësishëm i Akademisë së Shqipërisë dhe të Kosovës, puna e të cilës ka nisur që në janar të 2023-shit.

Redaksitë e ndara për sektorët përkatës vazhdojnë të punojnë për fjalësin, që korrespondojë me figurat dhe ngjarje të rëndësishme historike, politike, shkencore, kulturore, toponime etj.

Nëse në disa prej redaksive puna ecën me ritëm, në disa të tjera për shkak të diskutimeve, apo përplasjeve për figura apo ngjarje historike, vijon të marri kohë, ndonëse Akademitë duhet ta kishin përfundur korpusin final të fjalëve brenda këtij viti.

“Duhet të koordinohen mes vete dhe pastaj duhet t’i nënshtrohen një analize kritike për të parë nëse kanë përfshirë atë që duhet. Kemi filluar me historinë. Është një fushë me goxha shumë probleme”, shprehet kryetari i Akademisë së Shkencave dhe Arteve të Kosovës, Mehmet Kraja.

“Në parim në idealen e vetë është 10 mijë njësi enciklopedike. Jemi ende në periudhën e mbledhjes e të seleksionimit të ngushtë”, tha kryeredaktori i projektit, Akademia e Shkencave, Arian Leka.

Pas këtij procesi që pritet të mbyllet në muajt e parë të vitit të ardhshëm, procesi i punës do të hyjë në fazën e fundit, por do të jetë kjo faza më delikate, e cila do të marri vite punë. Ndërsa akademikët thonë se në këtë enciklopedi nuk do të mbesë jashtë asnjë ngjarje ndërsa qasja do të jetë pozitive edhe në raport me fqinjët.

“Për ata që do t’i shkruajnë do të nisë një periudhë e gjatë kontratash ç’vend do të zërë në enciklopedi një artikull i vogël, i mesëm, i madh apo monografik.”

“Qasja do të jetë pozitive në raportet qoftë me fqinjët, qoftë me botën, por do të jetë pozitive edhe në raportet ndërshqiptare.”

Që nga nisja e punës, procesi për publikimin e Enciklopedisë Shqiptare është parashikuar të zgjasë 5 vite, me një buxhet prej 4 mln euro, që do të përbëhet nga 10 vëllime./Tv Klan