Elon Musk zbulon baterinë me 500% më shumë energji – pretendon se do të revolucionarizojë Tesla-n

CEO i Tesla-s, Elon Musk, ka zbuluar një seri përparimesh në teknologjinë e baterive, të cilat ai pretendon se do të revolucionarizojnë makinat elektrike.

Duke folur në ngjarjen e Ditës së Baterisë së Tesla të martën, Musk përshkroi përparimet si “një përparim masiv” që do të rriste në mënyrë dramatike performancën e automjeteve elektrike duke i bërë ato njëkohësisht më të përballueshme, transmeton Telegrafi.

Dizajni i ri i baterisë litium-jon i Tesla-s do të transformojë mënyrën se si mund të ruhet dhe karikohet energjia brenda një baterie, duke ofruar pesë herë më shumë energji, një rritje prej 16 për qind në diapazon dhe 500 për qind më shumë energji.

Së bashku me avancimet e tjera, Musk tha se kjo do të lejojë që Tesla të prodhojë një makinë elektrike me një çmim prej 25,000 dollarësh brenda disa viteve të ardhshme.

“Ka kaq shumë litium në Tokë sa është e mundur që të gjitha makinat në Shtetet e Bashkuara t’i shndërrojmë në makina elektrike”.

Përparimet do t’i bëjnë bateritë e makinave 56 për qind më të lira dhe do të mundësojnë prodhimin e automjetit të parë të vërtetë të përballueshëm të Tesla-s.

Tesla aktualisht ka katër automjete në treg – Model S, Model 3, Model X dhe Model Y. /Telegrafi/