Elon Musk u thotë punonjësve se dëshiron që Twitter të jetë më shumë si WeChat dhe TikTok

Elon Musk u tha punonjësve të Twitter të enjten se kompania duhet të bëhet më shumë si WeChat dhe TikTok nëse dëshiron të arrijë qëllimin e tij për të arritur 1 miliard përdorues.

Sipas mediave të huaja, përcjell Telegrafi, kur u pyet se si Twitter mund të rrisë bazën e tij të përdoruesve, Musk shpjegoi se aplikacioni duhet të ofrojë më shumë dobi dhe të sigurohet se “njerëzit janë shumë të argëtuar dhe të informuar”.

Ai bëri një krahasim me WeChat, aplikacionin në Kinë që “përzien” mediat sociale me pagesat, lojërat dhe jo vetëm.

“Nuk ka asnjë ekuivalent të WeChat jashtë Kinës”, citohet të ketë thënë Musk në takimin virtual përmes kamerës së tij të telefonit. “… Nëse mund ta rikrijojmë atë me Twitter, do të kemi një sukses të madh”.

Ai gjithashtu komplimentoi algoritmin e TikTok për të mos qenë “i mërzitshëm”, duke thënë “ne mund ta përmirësojmë Twitter-in në të njëjtën mënyrë për të qenë interesant”.

Musk vendosi një theks të veçantë në Twitter duke vlerësuar se është më i mirë në shfaqjen e lajmeve.

“Unë mendoj se Twitter mund të jetë shumë më i mirë për të informuar njerëzit për çështje serioze”.

Ndërsa kur u pyet se si do të duket suksesi për Twitter në pesë deri në 10 vjet, Musk tha se kompania duhet të “kontribuojë në një qytetërim më të fortë afatgjatë, ku ne jemi më në gjendje të kuptojmë natyrën e realitetit”. /Telegrafi/