Elon Musk ka prezantuar dje derrin e quajtur Gertrude të cilit i është implantuar një mikroçip “regjistrues” në tru, më të cilin manjati i teknologjisë demonstron planet ambicioze për ndërlidhjen e trurit të gjallë me makinerinë.
“Është si një copë e vogël në tru me tela shumë të vogla”, tha milioneri sipërmarrës në një koment, të cilin kompania e tij Neuralink ka nisur ta testojë te njerëzit.
Zoti Musk argumenton se mikroçipe të tillë rrjedhimisht do të ndihmojnë në kurimin e sëmundjeve si demenca, Parkinson dhe ato të shtyllës kurrizore.
Por ambicia kryesore afat-gjatë e Musk është krijimi i aftësive “konjitive supernjerëzore”, e përfolur për idenë e kontestuar të inteligjencës artificiale ushtarake.
Gertrude është një nga tre derrat që morën pjesë në demonstrimin e djeshëm. U desh pak që të funksiononte por kur nisi të nuhaste dhe të hante kashtën, aktiviteti nervor cerebral i Gertrude tregohej në grafikat. Procesori në trurin e saj i dërgonte sinjale valore, duke treguar aktivitetin nervor në turirin e saj teksa kërkonte ushqim.
Musk tha se mjeti origjinal i Neuralink që u prezantua një vit më parë ishte bërë më kompakt e më i vogël. “Ai puthitet mirë në kafkë, mund ta kesh edhe nën flokë dhe nuk do ta kuptoje”, thotë Musk.
“Pasi të bëhen regjistrimet Neuralink do t’i dekodojë ato një ditë do të kapërcejë barrierën e kuptimit tonë për mënyrën sesi funksionon truri. Dekodimi i qëllimeve dhe planeve të lëvizjes është i vështirë kur nuk kemi kuptuar ende kodet neurale me të cilat komunikohen urdhrat brenda sistemit nervor”, tha ai. /tch/
