Edita Doli: Isha punëtorja më e lumtur kur u pagova 70 euro në muaj

Drejtoresha e Radio Dukagjinit, moderatorja e njohur, Edita Doli ishte e ftuar në emisionin “Ky emër nuk ka nevojë për prezantim”.

Edita tregon se ka punuar në një radio lokale në Gjakovë qysh në moshën 14-vjeçare.

“Më ka pëlqyer radio dhe nuk e kam llogaritur si punë sepse kam shkuar me shumë qejf. Më pas fillova të paguhem 50 euro në muaj. Kisha shumë vullnet për punë. Pasi mbaroj shkollën shkoja në radio dhe as që e mendoja që po shkoj në punë”, tha ajo, përcjell Telegrafi.

Moderatorja tregon se për shkak të performancës së mirë më pa i është rritur rroga dhe është paguar 70 euro në muaj.

“U shpalla si punëtorja më e mirë në Top Radio dhe rroga më është bërë 70 euro. Isha punëtorja më e lumtur në atë kohë. E kam dashur atë punë dhe e kamë bërë me shumë qejf”.

Autorja e emisionit “Radar” thotë se kur ka ardhur në Prishtinë ka qenë një sfidë pak më e madhe.

“Kam pasur shumë oferta nga shtëpi mediatike por as nuk e kam menduar të largohem Dukagjinin”, tregoi ndër të tjera Edita Doli./Telegrafi/