Edhe kuzhinierja e Maradonas me akuza: Ishte i lodhur nga gjithçka, nga shoqëria e rreme

Kanë filluar të publikohen detaje shokuese nga ditët e fundit të Diego Maradonas.

Legjenda e futbollit ndërroi jetë në nëntorin e vitit të kaluar, pas një sulmi në zemër.

Por, Maradona ishte bërë pak ditë më parë operacion nga një sulm në tru dhe pak ditë më vonë gjendja e tij ishte përkeqësuar, duke ndërruar jetë në shtëpi.

Lexo po ashtu Skandali Maradona: Mjeku personal ka falsifikuar nënshkrimin  në dokumentet mjekësore

Kuzhinierja Romina Milagros Rodirguez ka thënë se legjenda argjentinase ishte i lodhur nga gjithçka dhe atij i pëlqente të qëndronte vetëm me djalin e tij, Dieguito Fernando.

“Për nga këndvështrimi im, ai ishte lodhur nga gjithçka”, ka thënë ajo.

Lexo po ashtu Renditen top 50 më të mirët në histori të futbollit

“Nëse duam t’i themi gjërat siç janë, ai ka bërë mrekulli. Ai tha mjaftë, këta persona afër meje po më çmendin”.

“Ai ndihej mirë vetëm me djalin e tij Dieguiton dhe me nipin e tij. Më pas erdhën edhe disa doktorë dhe ai më tha mua se nuk mund t’i duronte as ata”.

Lexo po ashtu Dita kur River Plate ra nga liga – Diego Maradona kishte bërë një ‘çmenduri’ kundër rivalit të Boca Juniors

“Miqtë e shikonin sa për para dhe nuk i qëndronin afër kur kishte gjendjen e keqe. Kështu, gjendja e tij pas operacionit u përkeqësua shpejtë dhe e kishim të pamundur ta shpëtonim”.

“Hera e fundit kur kam biseduar me të ishte më 24 nëntor, një ditë para se të ndërronte jetë. Unë e pyeta nëse dëshironte për të ngrënë apo për të pirë, por ai më tha jo”, ka përfunduar ajo. /Telegrafi/