E ofendoi duke quajtur ‘homoseksual’, Rezartit i tërhiqet vërejtja në spektaklin e BBVK 3 nga Olta dhe Alaudini

Aktori Rezart Veleshnja ka hasur në kritika të ashpra gjatë spektaklit të së premtes në Big Brother VIP Kosova për gjuhën e përdorur ndaj banorëve të tjerë.

Një moment i veçantë tensioni ndodhi kur Rrezarti, gjatë një diskutimi, e quajti kolegun e tij, Besfort Daka, homoseksual në një termin pezhorativ. Ky koment shkaktoi reagime të menjëhershme nga audienca dhe nga opinionistët e programit.

Opinionistja Olta Gixhari e kritikoi publikisht Rrezartin për këtë sjellje, duke theksuar se fjala e tij ishte e papranueshme dhe e dëmshme.

Ajo e nxori në pah nevojën për respekt dhe mirëkuptim mes banorëve, duke nënvizuar se përdorimi i gjuhës diskriminuese dhe ofenduese nuk ka vend as në jetën reale dhe as në një format si Big Brother, që promovon bashkëjetesën dhe komunikimin.

Pas kritikave nga Olta, edhe prezantuesi i emisionit, Alaudin Hamiti, e mori në shqyrtim këtë çështje, duke e kritikuar ashpër Rrezartin dhe duke i kujtuar se ofendimet e tilla janë të ndaluara sipas rregullave të formatit Big Brother.

Ai e theksoi se programi synon të jetë një ambient ku çdo individ respektohet dhe pranohet pa marrë parasysh orientimin e tij seksual, etninë ose identitetin. /Telegrafi/