E mbani mend vajzën që nuk i pëlqente orari i punës – tani ajo është ankuar për largimin nga puna

Në fund të tetorit, një Tiktoker i ri i quajtur Brielle publikoi një video që u bë shpejt virale dhe tërhoqi shumë vëmendje nga përdoruesit.

Ajo tregoi se është diplomuar dhe ka gjetur punën e saj të parë, por se ka një problem të madh për të organizuar jetën e saj sepse “punon nga nëntë në pesë”. Herë pas here, ajo ishte shumë e acaruar teksa iu drejtua të pranishmëve.

Përdoruesit me përvojë shumëvjeçare u habitën nga fakti që dikush po qante pas një dite pune tetë orëshe, por kishte edhe nga ata që u solidarizuan me influencuesin e ri dhe dënuan kushtet e punës në ditët e sotme.

@brielleybelly123can someone tell me im going to be okay !!!! feels like the world is ending i need a job immediatley i am feeling so lost rn like i moved for this…!?♬ original sound – BRIELLE

Vajza së fundmi ka publikuar një video në të cilën thotë se ka humbur punën.

“Nuk do të qaj, por pas diplomimit mora një punë, të cilës më deshën pesë muaj për ta gjetur. Dhe kjo është arsyeja pse u transferova në New York”, shpjegoi ajo.

Ajo shtoi se nuk është shkarkuar për fajin e saj.

Tani ajo është përballur me frikën ekzistenciale, veçanërisht pasi punëdhënësit rrallë punësojnë punëtorë të rinj gjatë pushimeve.

“Nuk kam fituar aq sa të jetoj, nuk kam asnjë kursim”, tha ajo. /Telegrafi/