Nuk është një Tesla, por një automjet tjetër elektrik me shpejtësi të vogël (LSEV) që pritet t'i mbush rrugët e qyteteve, vitet e ardhshme.
Me peshë të lehtë, dhe e kufizuar në shpejtësi rreth 40 km/orë, tashmë kjo makinë është mjaft e popullarizuar në Kinë, ku këto automjete elektrike në miniaturë ofrojnë një alternativë për motoçikletat, biçikletat dhe biçikletat elektrike, transmeton Telegrafi.
Ato janë jashtëzakonisht të lira për t’u blerë, janë të lehta për t’u parkuar dhe perfekte për qendrat urbane, ku hapësira është mjaft e vogël.
Çmimi për një makinë të tillë sillet nga 5,000 deri në 10,000 dollarë.
Zvogëlimi i madhësisë së automjetit mund të nënkuptojë ulje të integritetit strukturor dhe shpejtësi më të ngadaltë.
Automjeti elektrik me shpejtësi të ulët (LSEV) mundësohet nga një motor i vogël elektrik.
Fuqia merret normalisht nga energjia elektrike nga burimet e automjetit me panel diellor, bateri ose gjenerator të energjisë. /Telegrafi/
