E largoi shiun, por jo edhe retë: Vladimir Putin tregon fuqinë ushtarake, pa armët kryesore (Foto/Video)

Vladimir Putin sot ka organizuar një paradë të madhe ushtarake që tregon fuqinë e fortë të Rusisë dhe duke përshëndetur trupat e tij që kanë shërbyer në Siri.

Siç shkruajnë mediat e huaja, përcjell Telegrafi, marshi vjetor i Sheshit të Kuq në Moskë shënon humbjen e Hitlerit në Luftën e Dytë Botërore, por presidenti rus po e përdorte atë sot për të shfaqur fuqinë ushtarake moderne të Kremlinit.

Po sipas medieve të huaja, Putin ishte personalisht duke u përshëndetur me paradën që përfshinte 10,000 trupa dhe 114 njësi të pajisjeve ushtarake.

Me gjithë planet për të dërguar 72 aeroplanë kjo nuk ndodhi, shkaku i motit – pavarësisht shpenzimeve të Kremlinit – rreth 1,7 milion dollarë për të spërkatur retë me një koktej kimik që supozohet të garantojë kohën e mirë.

Kjo kishte penguar Putinin për të shfaqur forcën e tij ajrore dhe për të nderuar pilotët rusë që kanë shërbyer në Siri.

Kështu, vetëm një shfaqje e automjeteve të blinduara dhe sistemeve të raketave u prezantuan aty.

E Putin në fjalimin e tij ka thënë: “Ne gjithmonë do ta ruajmë Rusinë ashtu si ju, ushtarët e Fitores”.

“Dhe [ne do] të forcojmë traditat e patriotizmit, duke i shërbyer me besnikëri atdheut”.

“Mësimet e luftës së kaluar na detyrojnë të jemi vigjilentë dhe Forcat e Armatosura Ruse janë të gatshme të sprapsin çdo sulm potencial”.

Ai u zotua: “Nuk ka pasur, nuk ka dhe nuk do të ketë forcë që mund të skllavërojë ndonjëherë popullin tonë”. /Telegrafi/