Roma ka dërguar një ofertë zyrtare për sulmuesin e Manchester United, Joshua Zirkzee, kështu ka deklaruar së paku gazetari i besueshëm italian Fabrizio Romano.

Oferta, e paraqitur përmes një ndërmjetësi, është për një huazim me mundësi që të shndërrohet në detyrim blerjeje. Zirkzee tashmë ka arritur marrëveshje personale me Romën dhe është i etur t’i bashkohet klubit nga Serie A, ndërsa tani vendimi i takon Manchester Unitedit.

Më herët ishte raportuar se Roma ishte e gatshme të paguante 5 milionë euro për huazimin gjashtëmujor, si dhe 35 milionë euro të tjera për ta bërë transferimin përfundimtar në fund të sezonit.

Situata mbetet e hapur, por fakti që lojtari ka dhënë dritën jeshile për transferimin shihet si një avantazh i madh për Romën në përpjekjet për të përforcuar repartin ofensiv.

Zirkzee nuk po ka vend në formacionin e Ruben Amorim dhe e sheh Serie A si shpëtim karrierë dhe shpresë për ta rikthyer vendin te kombëtarja e Holandës para Kupës së Botës 2026./Telegrafi/

Premier LeagueFutbollNdërkombëtareSportEkipetRoma
telegrafi sport app