E duan klubet e Ligës Premier, Juventusi ia cakton çmimin Matias Soules

Newcastle United dhe Crystal Palace mund të gjenden në një betejë të drejtpërdrejtë për Matias Soule në merkaton e verës, pasi Juventus mund të jetë i gatshëm të shesë sulmuesin e talentuar argjentinas.

Sipas raportimeve nga Tutto Mercato Web, Soule është shfaqur si një objektiv kyç për të dy klubet e Ligës Premier përpara afatit kalimtar të verës. Lojtari, i vlerësuar në rreth 40 milionë euro, ka impresionuar gjatë periudhës së huazimit te Frosinone në Serinë A, duke ngjallur interesim nga disa skuadra.

Paraqitja e jashtëzakonshme e Soule në Serie A këtë sezon ka tërhequr vëmendjen, veçanërisht pas golit të tij të fundit kundër Milanit, i cili e bëri atë lojtarin e parë në historinë e Frosinone që arrin shifra të dyfishta në ligë. Kjo situatë e lë Juventusin në një pozicion të favorshëm për të marrë një çmim të mirë për lojtarin.

Lexo po ashtu Një futbollist dhe 40 milionë euro, Juventusi i vendosur të nënshkruajë me një top mesfushor

Pavarësisht përpjekjeve të dështuara në janar, Crystal Palace dhe Newcastle United mund të rinovojnë interesin e tyre për Soule gjatë verës. Magpies, në veçanti, mund të kërkojnë një sulmues të ri nëse largimi i Miguel Almiron ndodhë, dhe argjentinasi mund të jetë një opsion për t’u marrë në konsideratë.

Juventusi, i vetëdijshëm për interesimin në rritje për Soule, mund të përfitojë nga mundësia për të fituar para. Me situatën financiare të klubit italian në qendër të vëmendjes, një transferim i rëndësishëm mund të jetë i dobishëm. Për më tepër, konkurrenca midis Palace dhe Newcastle mund të çojë në një rritje të çmimit të lojtarit.

Për Palace, largimi i mundshëm i Michael Olise mund të hapë derën për Soule, i cili mund të shihet si një zëvendësues i përshtatshëm. Me klube si Manchester United dhe Manchester City gjithashtu të interesuara për Olise, Palace mund të ketë motivim shtesë për të siguruar Soule në skuadrën e tyre. /Telegrafi/