Dy tituj të Evropës dhe një të Botës: Andres Iniesta përmes një letër lamtumirëse i jep fund karrierës me Spanjën

Kampionati botëror në shtetin rus ka sjell edhe pensionimin e një prej lojtarëve më të mirë në botë në mesfushë, Andres Iniesta.

Futbollisti përmes një letër lamtumirëse ka pohuar se është larguar përfundimisht prej kombëtares së Spanjës, pas 14 vjetëve paraqitje me La Roja.

Futbollisti ka fituar gjithçka që është e mundur me kombëtaret duke u shpall kampion i botës si dhe i Evropës.

Gjithashtu theksojmë se ka pasur deri më tani ka pasur 131 paraqitje gjersa ka shënuar 13 gola për spanjollët.

Letra e Iniestas:

Përshëndetni të gjithëve,

14 vjet më parë kam veshur këmishën e ekipit kombëtar për herë të parë, isha 15 vjeçar dhe kurrë nuk do ta harroj atë moment. Ishte ëndrra e jetës sime që të mbroja ngjyrat e vendit tim. Është diçka shumë e veçantë, jo vetëm një ëndërr, por edhe një përgjegjësi e madhe.

Gjatë gjithë këtyre viteve kam provuar të jem i vetëdijshëm se çfarë do të thotë dhe të jap më të mirën që të ndiheni krenar. Mendoj se kam qenë me fat që kam jetuar një nga fazat më të mira të futbollit spanjoll, me një brez lojtarësh që kanë qenë dhe janë të jashtëzakonshëm në çdo mënyrë.

Kemi arritur suksese të mëdha, gjëra që të gjithë ne ëndërruam kur ishim të vegjël, por gjithashtu kemi pasur zhgënjime të mëdha dhe kemi përjetuar momente shumë të vështira. Për të gjitha, ju faleminderit shumë që më bëtë shok dhe futbollist të mirë. 

Tani është koha për t’u larguar. Nuk ka qenë një vendim i lehtë, përkundrazi, kam menduar për shumë muaj. Iluzioni dhe dëshira për të vazhduar janë gjithandej, por gjithmonë kam thënë se do të përfundoja duke bërë përzgjedhjen më të mirë.

E ardhmja është emocionuese, me një grup lojtarësh të cilët janë të pabesueshëm dhe që nga tani e tutje do të më kenë mua mbështetës pa kushte. Unë nuk kam asnjë dyshim se e ardhmja e kombëtares do të jetë e mrekullueshme dhe se sukseset e mëdha do të korrim. Grupi është mbresëlënës.

Dëshiroj të falënderoj Federatën për mbështetjen dhe trajtimin që më kanë dhënë gjatë këtyre 19 viteve të fundit: Presidentin, menaxherët dhe punonjësit me të cilët kam qenë në gjendje të jetoj për të gjitha këto vite.

Kam pasur fat të mirë të kem trajnerë të mëdhenj në këtë fazë, me dashuri të veçantë për Luis Aragones, ku kam debutuar te kombëtarja dhe kemi fituar Kampionatin e Parë Evropian. Faleminderit edhe për besimin tuaj dhe për ndryshimin e kuptimit të futbollit spanjoll: Luis, Vicente, Julen, Fernando dhe gjithashtu Juan Santiesteben, Inaki Saez, Ufarte dhe Gines. Faleminderit shumë për mbështetjen dhe dashurinë tuaj.

Përfundimisht do të doja të falënderoja familjen time, faleminderit për mbështetjen tuaj të pakushtëzuar dhe që gjithnjë kemi qenë pranë meje. Ne e ndjekim një ëndërr dhe e arrijmë atë. Një përqafim shumë i veçantë. Andres Iniesta. /Telegrafi/