Durllovski: Nuk guxojmë të lejojmë të humbet statusi i UNESKO-s për Ohrin, do të përkushtohemi tek të rinjtë dhe arsimi

Bartës i Njësisë zgjedhore 5, Igor Durllovski, në kyçjen e tij në lajmet në TV 24 foli për atë se cilat do të jenë porositë kryesore që OBRM-PDUKM do t’i dërgojë nga Ohri, ku theksoi se do të dërgohen mesazhe me energji pozitive.

“Nga ana ime, do të dërgojë energji pozitive sepse mendoj se në periudhën e fundit prej disa muajve, mbase duke mos dashur një periudhë parafushatës, ishte një fshatë relativisht e ndyrë dhe sa i përket pjesës time, do të bëj çmos për të transmetuar energji pozitive tek votuesit, për t’u përcjellë mesazhe pozitive, për t’ua paraqitur projektin “Rimëkëmbja” dhe besoj se e gjithë rrjedha e fushatës do të vazhdojë në një dritë të tillë, sepse kam një ndjenjë që qytetarët janë të lodhur nga lajmet negative, të lodhur nga lajmet e rreme, fushatat e zeza dhe do të bëj çmos theksin ta vë tek rinia, por në çdo rast kundërshtari politik duhet të pres që fushata ime të jetë pozitive”, tha Durllovski.

Ai në përfshirjen e tij, foli edhe për projektin e UNESKO-s, ku tha se do t’i përkushtohej personalisht fushës së kulturës dhe shpresonte që Ohri të mos e humbte atë status.

“Problemi me statusin me UNESKO është një nga më të mëdhenjtë. Sidoqoftë, unë mendoj se projektet e infrastrukturës janë shumë të rëndësishme për qytetarët, ndër të tjera, një nga projektet më të rëndësishëm është ndërlidhja e Kërçovës-Ohër, për të cilën ne e dimë se ka qenë status kuo në tre vitet e fundit. Sigurisht, ne do të bëjmë çmos për të lidhur Ohrin me Shkupin sa më shpejt që të jetë e mundur”, theksoi Durllovski.

Lidhur me atë se çfarë do të jetë fushata, Durlovski tha se pret që votuesit t’i respektojnë masat.