Dua Lipa në një sesion të mrekullueshëm fotografish bashkë me të atin e saj

Këngëtarja e njohur mbarëbotërore, Dua Lipa, këto ditë ka mbajtur turin e saj të koncerteve në ShBA.

Ajo është pritur mirë nga fansat amerikanë, teksa janë shënuar radhë të gjata pritjeje vetëm për një autograf të bukuroshes shqiptare.

Dua ka treguar gjithmonë në intervista se talentin për muzikë e ka të trashëguar nga babai i saj, Dukagjin Lipa, i cili është gjithashtu këngëtar me profesion.

Së fundmi, ata kanë realizuar një set të mrekullueshëm fotografish, të cilin e kanë ndarë me fansat në rrjetet sociale.

Ka qenë babai i Duas ai i cili ka hedhur këto imazhe në Instagram, ku shfaqet mjaft i lumtur pranë të bijës, teksa janë të veshur të dy në të zeza.

Fotografitë janë realizuar në formatin bardhë e zi nga fotografi Danny Clinch, për të cilin Lipa thotë fjalët më të mira në mbishkrimin e fotografisë.

“Kur legjenda Danny Clinch ju kërkon të qëndroni para kamerës. Faleminderit për këto fotografi të mëdha”, ka shkruar Dukagjini në mbishkrimin e fotografisë.

Imazhet në fjalë kanë marrë mijëra pëlqime nga fansat.

Kujtojmë që Dua do të jetë më 10 gusht në Prishtinë, për të performuar në kuadër të festivalit “Sunny Hill”. /Telegrafi/