Drenica befason Feronikelin në Drenas

Drenica ka arritur një fitore tejet të madhe në udhëtim te Feronikeli.

Kuqezinjtë mposhtën 3-1 rivalin lokal duke bërë një hap të madh drejt qëndrimit në elitë.

Ndeshja nisi me dominimin e vendasve që kërkonin golin e epërsisë.

Kampioni në fuqi shënoi golin e parë në ndeshje në minutën e 20-të, por që u anulua nga gjyqtari anësorë për pozicion jashtë loje.

Edhe në vazhdim vendasit kërkonin me ngulm golin e epërsisë ndërsa mysafirët mbroheshin mirë dhe tentonin të shënonin nëpërmjet kundërsulmeve.

Gjithsesi pjesa e parë përfundoi ashtu siç filloi me rezultat të bardhë 0-0.

Me të filluar pjesa e dytë, mysafirët befasuan të gjithë duke shënuar golin e epërsisë.

Ishte minuta e 48-të, kur Armend Abazi realizoi gol për 0-1.

Pas golit të disavantazhit, Nikli kërkonte me çdo kusht të barazonte rezultatin por një gjëje të tillë nuk ia arriti.

20 minuta para fundit të ndeshjes, Drenica befasoi edhe njëherë vendasit.

Ishte sulmuesi anësorë, Kreshnik Lushtaku që shënoi për 2-0.

Golin e vetëm për kampionët në fuqi e realizoi Mentor Zhdrella në minutën e 86-të nga gjuajtja e lirë.

Ndërkohë për rezultatin përfundimtar 1-3 u përkujdes Kreshnik Lushtaku që shënoi golin e dytë personal në këtë përballje pas asistimit nga Taulant Dajaku.

Pas kësaj fitore, Drenica mbetet në pozitën e shtatë me 28 pikë por duke bërë një hap të madh drejt mbijetesës.

Ndërkohë Feronikeli vazhdon të mbetet në pozitën e dytë me 48 pikë të grumbulluara, gjashtë më pak se lideri Trepça ’89. /Telegrafi/