‘Dora e djathtë’ e Cristiano Ronaldos largohet nga Portugalia

Ricky Regufe, i cili luajti një rol kyç në kalimin e Cristiano Ronaldos te Al-Nassr, është larguar nga pozicioni i tij në delegacionin e ekipit kombëtar të Portugalisë.

Regufe ishte pjesë e ekipit kombëtar për 20 vjet, por njoftoi se do të largohej me një postim në rrjetet sociale.

“Ishte një krenari dhe një privilegj që i kam shërbyer vendit tim si anëtar i Kombëtares për dy dekada”, ka shkruar ai.

Lexo po ashtu Kush është Ricky Regufe, njeriu që i qëndron afër Ronaldos dhe organizon gjithçka në jetën e tij të re në Arabinë Saudite - madje edhe kontratën 200 milionëshe në vit

“Kam jetuar momente të paharrueshme dhe kam krijuar miqësi për jetën. Pashë nga afër Kombëtaren duke fituar dy trofetë e mëdhenj që ka fituar deri tani dhe pashë Cristiano Ronaldon të bëhej lojtari më i mirë në botë”.

“Falënderoj lojtarët, trajnerët dhe stafin për gjithçka që kemi përjetuar së bashku. Fillon një etapë e re, por dëshira për të parë fitoren e Kombëtares është gjithmonë e njëjta!”, thuhet në postimin e tij.

Lexo po ashtu Inteligjenca Artificiale krijon formacionin më të mirë në histori të Manchester United - shumë legjenda mbesin jashtë tij

Postimi u shoqërua me një foto të Portugalisë duke festuar triumfin e saj në Euro 2016, trofeu i parë i madh në historinë e tyre. Ata vazhduan të fitojnë Ligën e Kombeve për herë të parë tre vjet më vonë.

Largimi i Regufe përfaqëson një tjetër ndryshim të rëndësishëm për Portugalinë që nga eliminimi i tyre në çerekfinale në Kampionatin Botëror në Katar.

Lexo po ashtu Grealish nënshkroi marrëveshje rekorde me Puman - por si krahasohet me lojtarët e tjerë

Trajneri Fernando Santos dha dorëheqjen pas humbjes së tyre nga Maroku dhe që atëherë është zëvendësuar nga ish-trajneri i Evertonit, Roberto Martinez.

Regufe tani është i vendosur të marrë një qasje më praktike me karrierën e Ronaldos pasi e ndihmoi 38-vjeçarin të fitonte një marrëveshje fitimprurëse prej 200 milionë eurosh në vit me Al-Nassr në dhjetor.

Ronaldo dhe Regufe janë miq të ngushtë prej disa kohësh dhe ky i fundit u bë njeriu kryesor në negociatat për transferimin në Arabinë Saudite pas ndarjes së yllit portugez me agjentin afatgjatë Jorge Mendes. /Telegrafi/