Dogana për katër muaj mbledh 331 milionë euro

Dogana e Kosovës ka ruajtur trendin e lartë të mbledhjes së të hyrave gjatë katër muajve, edhe gjatë muajit maj, më saktësisht duke e dërguar atë në mbi 61 milionë euro më shumë se në vitin 2015.

Dogana e Kosovës nëpërmjet një komunikate thotë se ka ngritje në të gjitha taksat që mbledh.

“Rezultatet e mira në mbledhjen e të hyrave janë duke vazhduar edhe gjatë muajit maj 2016, Dogana e Kosovës ka ruajtur trendin e lartë të mbledhjes së të hyrave gjatë katër muajve edhe gjatë muajit Maj, më saktësisht duke e dërguar atë në mbi 61 milionë euro më shumë se 2015”, thuhet në kumtesë.

“Dogana e Kosovës ka ngritje në të gjitha taksat që mbledh, respektivisht kemi 22.7 % më shumë se viti i kaluar apo 7.4% më shumë se projeksioni për këtë periudhë. Vitin e kaluar deri me datën 15 maj kishim grumbulluar 269,6 milionë euro derisa këtë vit kemi mbledhur 330,8 milion euro”.

“Aksionet e shpeshta në luftimin e ekonomisë jo-formale, bashkëpunimi me qytetar, lehtësimi i procedurave të importit/eksportit, përdorimi i sistemeve të avancuara, eliminimi i procedurat burokratike dhe diskrecionit janë duke prodhuar rezultate optimale”, thuhet në kumtesën e Doganave të Kosovës.