Serbët e Bosnjës tashmë janë “të integruar mendërisht” në Serbi dhe do të mbështesnin me kënaqësi pavarësinë nga Bosnja.
Kështu ka thënë për AFP, udhëheqësi i tyre politik Milorad Dodik pak përpara një “feste kombëtare” të diskutueshme, përcjell Telegrafi.
Festimet janë planifikuar të martën për të shënuar 32 vjetorin që kur serbët e Bosnjës shpallën një “republikë” të cilësuar si antikushtetuese si nga qeveria qendrore e Bosnjës ashtu edhe nga Organizata për Siguri dhe Bashkëpunim në Evropë (OSBE).
“Ne nuk duam të qëndrojmë këtu”, i tha AFP të hënën Dodik, president i Republika Srpska (RS).
Dhe siç vënë në pah mediat, kërcënimet e përsëritura të Dodik për shkëputje kanë ngritur shqetësime ndërkombëtare.
Që nga lufta e viteve 1992-1995, Bosnja dhe Hercegovina përbëhet nga dy entitete gjysmë të pavarura — Republika Srpska e serbëve të krishterë kryesisht ortodoksë dhe Federata e Bosnjës dhe Hercegovinës, e përbërë nga kryesisht boshnjakë myslimanë dhe kryesisht kroatë katolikë.
Të dyja janë të lidhura nga një qeveri jo e fuqishme qendrore, ndërsa në vitet e pasluftës, nën presionin ndërkombëtar, Bosnja formoi një ushtri, plus sisteme të përbashkëta taksash dhe drejtësie.
Ndryshe, Dodik ka kërcënuar me shkëputjen e njësisë së tij që kur filloi të dominojë politikën serbe të Bosnjës në vitin 2006.
Dhe të hënën, ai pretendoi se nuk kishte dyshime se serbët e Bosnjës duan pavarësinë, por për shkak të “kujtimeve ende të freskëta të luftës” hezitojnë të bëjnë këtë veprim, përcjell Telegrafi.
“Nëse në një moment vendimtar do t’u ofrohet një platformë pavarësie, populli do ta mbështeste. Ne jemi të integruar mendërisht me Serbinë. Sigurisht, ne jemi pjesë e Bosnjës tani, por kjo është për shkak se ne duhet të jemi. Kjo nuk është diçka që ne duam”, citohet të ketë thënë Dodik.
Sipas Dodik, më shumë se 80 kompetenca janë transferuar në nivelin qendror dhe serbët e Bosnjës duan që ato të kthehen, duke përfshirë “pronën shtetërore në territorin e republikës”.
“… Ne do t’i tërheqim serbët nga ushtria, policia, institucionet e përbashkëta…”, ka thënë më tej ai.
Dodik vlerëson se “gabimi” i marrëveshjes së paqes të Dejtonit – që i dha fund luftës së viteve 1992-1995 – ishte qëllimi i saj për të “bërë bashkë palët ndërluftuese për të ruajtur një imagjinatë të quajtur Bosnje dhe Herzegovinë”.
Në vend të kësaj, ai vlerëson se ishte “një moment i shkëlqyer historik për vendosjen e kufijve midis njerëzve dhe vendosjen e një paqeje të qëndrueshme në Ballkan”.
Të hënën, presidenti serb Aleksandar Vuçiq i dërgoi një mesazh urimi Dodikut për “festën” e entitetit serb të Bosnjës dhe tha se Beogradi “do të mbetet i përkushtuar ndaj letrës së marrëveshjes së paqes të Dejtonit”.
Megjithatë, ai bëri thirrje gjithashtu për rritjen e lidhjeve kulturore, ekonomike dhe institucionale të Serbisë me Republikën Srpska.
Kërcënimet e Dodik për shkëputje, retorika kundër shtetit qendror, fyerjet ndaj të dërguarit të lartë ndërkombëtar dhe ambasadorit të SHBA në Bosnje – si dhe afërsia e tij me presidentin rus Vladimir Putin – e kanë bërë atë “jo të pëlqyeshëm” të qeverive perëndimore.
Por Dodik, i cili është nën sanksionet e SHBA-së dhe Britanisë, tha se ishte “krenar” që ishte në gjendje të takonte rregullisht presidentin rus të cilin ai e etiketon një “lider të madh”.
Në “Ditën e Republika Srpska” të vitit të kaluar, Dodik dekoroi Putinin me medaljen më të lartë të nderit të njësisë së tij për “dashurinë dhe shqetësimin patriotik” të liderit rus për RS. /Telegrafi/
Lufta Prigozhin - Putin
Më shumëNga Rubrika
Kishin vendosur radarë për të penguar funksionimin normal të dronëve ukrainas, pajisja ruse shkatërrohet pikërisht nga një fluturake pa pilot
Aviokompania amerikane vazhdimisht regjistron gabimisht 101-vjeçaren si fëmijë
Vriten dy ukrainas në një sulm me thikë në Gjermani, i dyshuari është shtetas rus
Një javë më parë rusët kryen një sulm me tanket e modifikuara në Donetsk, kësaj radhe ukrainasit përgatitën një pritë për ta
TikTokerja irakiane vritet brutalisht para shtëpisë së saj – pamjet rrëqethëse nga sulmi
Inxhinierët ukrainas prodhojnë dronin që do të përdoret si nëndetëse për të sulmuar luftanijet ruse
Strela 10, mbrojtja kundërajrore ukrainase rrëzon dronin rus – pamje nga aksioni
Pamje që tregojnë momentin kur ukrainasit 'fshijnë nga faqja e dheut' pjesë të sistemit rus që kushton 5 milionë dollarë
Ukraina tërheq nga vijat e frontit tanket amerikane Abrams për shkak të kërcënimeve nga dronët rus
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur