“Disneyland me armë”: Organizimi në Kentucky për të shtënë plumba dhe shkatërruar gjithçka që del përpara (Foto)

Dashamirësit e armëve, janë mbledhur në një organizim privat në Arizona të Shteteve të Bashkuara, me qëllimin e vetëm – që të shkatërrojnë gjithçka që iu del përpara, duke shtënë plumba.

Më se 20 mijë persona janë bërë pjesë e asaj që njihet si “Disneyland me armë” për të qëlluar me artileri të ndryshme prej Tommy Guns, AK-47 e deri te Uzi, në makina të braktisura apo pajisje të ndryshme shtëpiake, transmeton Telegrafi.

Këto ishin të mbushura me mjete të shumta piroteknike, duke bërë që të ndizet dhe eksplodojë zjarr i fuqishëm. Organizimi që ka filluar më 1965, nga Biff Sumner dhe miqtë e tij, është pëlqyer shumë, duke u bërë një aktivitet që pritet me padurim.

Tani zhvillohet nga dy ditë – dy herë në vit, në prill dhe tetor – duke mbledhur dashamirë të armatës nga shumë shtete, përfshirë edhe ata nga kontinente tjera.

Pjesëmarrësit detyrohet të rezervojnë artileritë e rënda, ndërsa ka një liste të pritjes deri në dhjetë vjet. Ata që nuk kanë armë, duhet të kenë mbi 18 vjet dhe të mund të paguajnë me para në dorë, përfshirë edhe plumbat që i shpenzojnë.

Çdo ditë përfundon me qitjet me armë gjatë natës, ku organizatorët sigurojnë shënjestrat dhe ndriçojnë qiellin, që pjesëmarrësit të përjetojnë sikur të jenë në ndonjë betejë.

Mirëpo, organizimi e edhe anën paqësore, ku pjesëmarrësit mund të shikojnë një muze dedikuar Luftës së Parë Botërore, të blejnë armë të vjetra apo pajisje përcjellëse. /Telegrafi/