Dimovski: Zaevi i prishi përgjithmonë pozicionet e Maqedonisë

Zoran Zaev i prishi pozicionet e Maqedonisë dhe nuk fitoi datë për fillim të bisedimeve me BE-në, deklaroi Dimitar Dimovski, anëtar i Komitetit Qendror i OBRM-PDUKM-së.

“Bisedimet për anëtarësim me BE-në nuk fillojnë, dhe nuk mundej të fillonin përderisa kompanitë donatore të LSDM-së përfitojnë qindra mijëra euro përmes blerjeve të dyshimta, kurse organet e persekutimit frikësohen të kryejnë hetime, Gjykatat e lirojnë Zoran Zaevin për korrupsion të pastër, kurse administrata mbushet me kuadër jo kompetent partiak. Kjo është e vërteta e hidhur të cilët e shohin qytetarët e Republikës së Maqedonisë. Për fat të keq këto janë edhe vërejtjet e BE-së”, deklaroi Dimovski

Ai shtoi se Maqedonia është viktimë e politikave të papërgjegjshme të LSDM-së, si nga brenda ashtu edhe në planin ndërkombëtar, ekonomia po fundoset, rendi kushtetues është i varrosur, kurse shteti i së drejtës është degraduar, që e ka vlerësuar edhe BE-ja, me vendimin e fundit që nuk dha datë për fillim të bisedimeve, përcjell Telegrafi Maqedoni.

“Bashkimi Evropian na tregoi se nënçmimin që na shfaqi LSDM-ja nuk na çon asgjëkund. Nevojiten reforma themelore. BE-ja na e bëri me dije se nuk mund që shteti i drejtuar nga Zoran Zaev dhe shteti që bie 17 vende ne indeksin e korrupsionit të fillojë bisedimet për anëtarësim me BE-në”, nga konferenca për shtyp./Telegrafi/