Dimitrov: Vendimi për dëbimin e diplomatëve rus, mbrojtje e interesave të shtetit

Ministri i Punëve të Jashtme i Maqedonisë, Nikolla Dimitrov, përmes një postimi në rrjetin Twitter ka reaguar për dëbimin e diplomatit rus nga Maqedonia.

Ai shkruan se dëbimi i diplomatit rus mes tjerash është bërë edhe për mbrojtje të interesave të sigurisë së shtetit, njofton Telegrafi Maqedoni.

“Sot i lajmëruan autoritetet ruse për vendimin tonë për dëbimin e një diplomati rus, në kuadër të konsultimeve me partnerët dhe aleatët tanë, në solidaritet me Britaninë e Madhe, si dhe t’i mbrojmë interesat e sigurisë të Maqedonisë”, ka shkruar Dimitrov.

Pas vendimit të Maqedonisë që të dëbohet diplomati rus, ka reaguar edhe Ambasada e Rusisë në Maqedoni. Ata theksuan se pasojat e këtij veprimi do t’i ketë vetë shteti i Maqedonisë./Telegrafi/

Today we notified the Russian authorities about our decision to expel one Russian diplomat, in close consultation with our partners and allies, in full solidarity with the UK, as well as to protect Macedonia’s own security interests. https://t.co/xdBSlRmS1G

— Nikola Dimitrov (@Dimitrov_Nikola) March 26, 2018