A është me rëndësi se a e pimë ujin të ngrohtë apo të ftohtë? Mjekësia tradicionale si p.sh. ajo Ayurvede thekson rëndësinë e temperaturës së ujit të cilin e pimë.

Nuk rekomandohen temperatura ekstreme të ujit – as të akullt, por as të ngrohtë.

Kur pimë pije të ftohta enët e gjakut ngushtohen, ngadalësohet tretja dhe hidratimi i organizmit vështirësohet. Trupi shpenzon energji në rregullimin e temperaturës trupore.

Prandaj, më mençuri është të pimë ujë të ngrohtë, apo edhe më mirë ujë të vakët.

Uji është burim i jetës, e të gjithëve na kujtohet se si ndihemi kur na ka etja.

317428420-taking-pills-cold-illness-painkiller-sneezing

Ja kur guxoni të pini ujë të ftohtë e kur të ngrohtë: Kur të pini ujë të ftohtë?Ushtrime. Temperatura e trupit rritet gjatë aktiviteteve fizike, e me djersitje trupi mëton të ftohet. Kur gjatë ushtrimeve pini ujë të ftohtë organizmi ftohet, e trupi ri-hidratohet.

Pas ushtrimeve sugjerohet të pini ujin pak më të ftohtë se temperatura e dhomës.

Humbje në peshë. Uji i ftohtë mund ta përshpejtojë punën e metabolizmit dhe ndihmon të humbni 70 kalori shtesë brenda ditës.

Kur të pini ujë të ngrohtë?Për tretje. Uji i ngrohtë në orët e mëngjesit mund të nxitë të keni një tretje më të shpejtë. Nëse pas shujtës pini ujë të ftohtë, organizmi do ta ketë më të vështirë ta tretë ushqimin.

Për detoksim. Sugjerohet që në ujin e vakët të shtoni disa pika limoni dhe kështu ta filloni ditën. Pos limonit mund të shtoni edhe trangull, mentë, mollë apo kanellë, që ndihmojnë pastrimin. /Telegrafi/

NutricionShëndeti