Diego Simeone dhe Atletico Madridi kërkojnë që ta formojnë një ‘super-sulm’ për sezonin 2019/20

Atletico Madrid e ka rifilluar një ofensivë për të nënshkruar me James Rodriguezin nga rivalët e ashpër të Real Madridit, pasi Diego Simeone shpreson ta ndërtojë një super sulm për sezonin 2019/20.

Joao Felix, Alvaro Morata dhe Marcos Llorente tashmë janë blerë këtë verë, ndërsa Thomas Lemar dhe Diego Costa do të jenë pjesë e grupit sulmues të ekipit.

Ideja është që kolumbiani ta mbyll këtë sulm të fuqishëm, me lojtarin që mund të garantojë më shumë se 10 gola dhe 10 asistime gjatë një sezoni.

Felix dhe Lemar kanë kushtuar së bashku 200 milionë euro dhe si të tillë sigurisht se do të jen startues në fushatën e ardhshme.

Ardhja e James, nëse duhet të ndodhë, do të përfundojë ndërtimin e asaj që mund të konsiderohet si sulmi më i fortë në historinë e Rojiblancos.

Simeone do të ketë detyrë të vështirë për menaxhimin e këtij grupi të sulmuesve.

Por duke luajtur në katër gara, kjo do t’i japë Simeonit mundësinë për të përdorur lojtarët e tij në rotacion.

Largimi i Antoine Griezmann do të thotë se nuk ka më një figurë kryesore dhe rreziku mund të vijë nga të gjitha anët. /Telegrafi/